"Persoas informadas e datos protexidos"

O Órgano de Goberno do Concello de Xunqueira de Ambía asume a máxima responsabilidade e compromiso co establecemento, implantación e mantemento desta Política de Protección de Datos. O noso obxectivo é acadar a excelencia no cumprimento do Regulamento Xeral de Protección de Datos (Regulamento UE 2016/679) e da normativa vixente de protección de datos de carácter persoal.

Esta política descansa no principio de responsabilidade proactiva, o que significa que o Concello é responsable do cumprimento deste marco normativo e é capaz de demostralo ante as autoridades de control competentes.

Os nosos 10 principios de actuación: Todo o persoal do Concello réxese polos seguintes principios, que serven como guía no tratamento dos datos persoais da nosa veciñanza:

• Protección dende o deseño: Aplicamos medidas técnicas e organizativas apropiadas, como a pseudonimización, concibidas para integrar as garantías necesarias no tratamento dende o primeiro momento.
• Protección por defecto: Garantimos que só sexan obxecto de tratamento os datos estritamente necesarios para cada un dos fins específicos.
• Ciclo de vida da información: As medidas que garanten a protección aplícanse durante o ciclo completo da vida da información.
• Licitud, lealdade e transparencia: Os datos persoais serán tratados de maneira lícita, leal e transparente en relación coa persoa interesada.
• Limitación da finalidade: Os datos recóllense con fins determinados, explícitos e lexítimos, e non serán tratados ulteriormente de maneira incompatible con ditos fins.
• Minimización de datos: A información será adecuada, pertinente e limitada ao necesario en relación cos fins para os que son tratados.
• Exactitude: Os datos manteranse exactos e, se fose necesario, actualizados; adoptando as medidas razoables para suprimir ou rectificar sen dilación os datos inexactos.
• Limitación do prazo de conservación: Os datos serán mantidos de forma que permitan a identificación das persoas interesadas durante non máis tempo do necesario para os fins do tratamento.
• Integridade e confidencialidade: Aplicamos as medidas técnicas ou organizativas adecuadas para protexer os datos contra o tratamento non autorizado ou ilícito, e contra a súa perda, destrución ou dano accidental.
• Información e formación: Todo o persoal involucrado con acceso aos datos é convenientemente formado e informado acerca das súas obrigas en relación co cumprimento da normativa.

Esta Política involucra a todo o persoal do responsable do tratamento e será revisada polo Órgano de Goberno do Concello de Xunqueira de Ambía tantas veces como se considere necesario para adecuarse ás disposicións vixentes.