Como alcalde de Xunqueira de Ambía, é para min unha verdadeira honra saudar a todos os veciños e veciñas a través desta canle, así como dar a benvida a todas as persoas que nos visitan.

Esta nova páxina web pretende ser unha ferramenta áxil e útil na vosa relación coa Administración Local, pero tamén un espazo de información, tanto para a veciñanza no seu día a día como para os visitantes que queiran achegarse a coñecer o noso concello.

Xunqueira de Ambía agocha numerosos tesouros dos que aquí vos mostramos só unha pincelada, coa esperanza de que os descubrades en profundidade. Dende o noso río Arnoia e o castro de Outeiro do Castro, ata a maxestosa Colexiata e as numerosas e fermosas capelas das nosas aldeas. A Pedra Alta, a Cruz da Farria, o Castro da Bariña, o Bañiño ou a aldea de San Xillao e a súa "pedra lunar"... Son lugares únicos que están agardando a visita de todos e todas vós.

Recibide pois a miña máis sincera benvida. Agardamos que desfrutedes de Xunqueira de Ambía.

José Luis Gavilanes Losada 

Alcalde de Xunqueira de Ambía